Circular regarding Special Cadre Service Period Conditions for Transfer:विशेष संवर्ग भाग-१ व विशेष संवर्ग भाग-२ मध्ये मोडणाऱ्या शिक्षकांना जिल्हांतर्गत बदलीसाठी अर्ज करताना सेवा कालावधीच्या अटीबाबत.
संदर्भ :-१) शासन परिपत्रक क्र. जिपब-४८१९/प्र.क्र.१९६/आस्था-१४, दि.२१.२.२०१९
२) शासन पत्र क्र. जिपब-२०२२/प्र.क्र.२९/आस्था-१४, दि.२३.११.२०२२.
महोदय,उपरोक्त विषयाबाबत या विभागाच्या संदर्भ क्र. २ येथील पत्रान्वये दिलेल्या सूचना रद्द करण्यात येत आहेत. तसेच ग्राम विकास विभागाच्या दि.१८.६.२०२४ रोजीच्या शासन निर्णयातील तरतुदीनुसार विशेष संवर्ग शिक्षक-भाग १ व विशेष संवर्ग शिक्षक भाग-२ अंतर्गत बदलीसाठी विनंती अर्ज सादर करण्याकरीता या विभागाच्या संदर्भ क्र. १ येथील दि.२१.२.२०१९ रोजीच्या परिपत्रकामधील तरतुदी कायम आहेत.
जिल्हा परिषद जिल्हा शिक्षक तंर्गत बदली विशेष संवर्ग भाग १ व विशेष संवर्ग भाग-२ मधील शिक्षकांचा अर्ज भरण्यासाठी सेवा कालावधी.
राज्यातील जिल्हा परिषद शिक्षकांच्या त्यांच्या सोयीनुसार मानवी हस्तक्षेपविरहीत पारदर्शी जिल्हातंर्गत बदल्या करण्याकरिता दिनांक २७.२.२०१७ चा शासन निर्णयान्वये सुधारित धोरण निश्चित केले आहे. या धोरणानुसार संबंधित शिक्षकांच्या बदल्या संगणकीय प्रणालीवर करण्यात आल्या आहेत. या धोरणामध्ये शिक्षकांच्या बदल्या होण्याकरिता त्यांचे चार संवर्ग करण्यात आले असून, ते पुढीलप्रमाणे आहेत.
१) विशेष संवर्ग भाग-१
२) विशेष संवर्ग भाग – २
३) बदली अधिकारी शिक्षक
४) बदली पात्र शिक्षक
२. वरीलप्रमाणे जे चार संवर्ग निर्माण केलेले आहेत. त्यामध्ये विशेष सवंर्ग भाग-१ व विशेष संवर्ग भाग-२ मध्ये येणाऱ्या शिक्षकांना त्यांचे बदलीचे अर्ज भरण्यासाठी सेवेच्या कालावधीची अट नाही.
३. वरील संवर्गात मोडणाऱ्या विशेष संवर्ग भाग १ व विशेष संवर्ग भाग २ यामध्ये मोडणाऱ्या शिक्षकांना जिल्हातंर्गत बदलीसाठी अर्ज करताना सेवेची अट वा कालावधी विचारात घेतला जात नाही. म्हणुनच त्यांना विशेष संवर्ग भाग १ व विशेष संवर्ग भाग २ असा दर्जा दिलेला आहे.
असे असतानाही काही जिल्हा परिषदांनी शिक्षकांना विशेष संवर्ग भाग २ मध्ये अर्ज भरताना १० वर्षाची सेवा झाली नाही, या कारणाखाली निलंबित केलेले आहे, जे चुकीचे आहे. अशाप्रकारे अन्य जिल्हा परिषदांकडून चुकीच्या पध्दतीने कारवाई होवू नये यासाठी खालीलप्रमाणे सूचना देण्यात येत आहे.
१) जिल्हातंर्गत बदली प्रक्रियेमध्ये विशेष संवर्ग भाग १ व विशेष संवर्ग भाग २ मध्ये मोडणाऱ्या शिक्षकांना अर्ज भरताना त्यांची किती वर्षाची सेवा झाली आहे, ही बाब विचारात घेणे आवश्यक नाही. या संवर्गात येणाऱ्या शिक्षकांना अर्ज भरताना सेवेच्या कालावधीची अट लागू नाही.
महत्वाची माहिती पाहण्यासाठी येथे क्लिक करा
२) ज्या जिल्हा परिषदांनी विशेष संवर्ग १ व विशेष संवर्ग २ मध्ये येणाऱ्या शिक्षकांवर त्यांची १० वर्षाची सेवा झाली नाही, व विशेष सवंर्ग १ व विशेष संवर्ग २ मध्ये अर्ज भरलेले आहेत, म्हणून त्यांच्याविरुध्द कारवाई केलेली आहे, अशा शिक्षकांविरुध्दची कारवाई तात्काळ रद्द करण्यात यावी. व त्यांची झालेली बदली रद्द केली असल्यास, त्यांना पूर्ववत त्या शाळेवर पदस्थापना द्यावी.
शासन परिपत्रक क्रमांकः जिपब
३) चुकीच्या पध्दतीने जाणीवपूर्वक फसवणूकीच्या उद्देशाने जिल्हा परिषद शिक्षकांनी अर्ज भरलेले असल्यास, त्यांच्या विरुध्द कारवाई करण्याबाबत यापूर्वी शासनाने दिलेले आदेश कायम आहेत.
४. सदर शासन परिपत्रक महाराष्ट्र शासनाच्या www.maharashtra.gov.in या संकेतस्थळावर उपलब्ध करण्यात आला असून त्याचा संकेताक 201902211546239720 असा आहे. हा आदेश डिजीटल स्वाक्षरीने साक्षांकित करुन काढण्यात येत आहे.
महाराष्ट्राचे राज्यपाल यांच्या आदेशानुसार व नावाने.
